БИЗАРНА ПРИКАЗНА ОД КИНА: Си ги продала децата за телефон, таткото бара дел од парите
Една мајка од Кина одлучила да ги продаде своите новородени близнаци за 8.300 евра, за да ги отплати долговите од кредитите, но и за да си купи нов мобилен телефон.
Децата помлади од две недели ги дала во две различни семејства, кои живеат на околу 700 километри од нејзиниот град.
Жената забременила вонбрачно, а нејзиното семејство одбило да и помогне токму затоа што не е во брак. Партнерот ја напуштил неколку месеци пред породувањето и не се појавил во болницата.
Но, откако овој случај бил обелоденет во јавноста, тој се јавил да бара дел од нејзината заработувачка.
Семејствата кои ги купиле децата се уапсени, а бебињата се предадени на бабата и дедото.