Скопската полиција вчера во населбата Козле, проверила автомобил марка „мерцедес 190“, со прилепски регистарски ознаки и пронашле 11 телефони, четири фотоапарати и два ранци.

Пронајдени биле мобилен телефон марка „хуваеј П30”, четири мобилни телефони „самсунг A20“, три мобилни телефони марка „самсунг A10“, два мобилни телефонa „самсунг A50“ и еден телефон „самсунг A30“.

Во возилото имало и четири фотоапарати, еден марка „никон Д5600-18-55 ВР”, два фотоапаратa марка „никон Д-3500-18-55 ВР” и еден „никон Д 750“, како и два ранцa.

Во автомобилот биле тројца битолчани, двајца на возраст од 23 години и еден 25 годишен. Кај еден од нив пронајдени и околу 14.000 денари.

– Од извршените проверки утврдено е дека горенаведените предмети потекнуваат од кривично дело „тешка кражба“, извршено на 14.10.2019 во продажен објект на ул.„Никола Тесла“ во Битола, од каде се одземени мобилни телефони, фотоапарати и промет, со што сторителите се стекнале со имотна корист од околу 900.000 денари – информриаат од МВР.

Битолчаните се преземени од страна на Одделението за крим полиција при СВР Битола и по целосно документирање на случајот, против нив ќе бидат поднесени соодветни поднесоци, информираат од МВР.