Биткоинот веќе не е криптовалутата со која најмногу се тргува – Слободен печат
ВестиЕкономија

Биткоинот веќе не е криптовалутата со која најмногу се тргува

Таа улога ја презема тетхер, кој за еден ден остварува вредност од сите тргувања од скоро 21 милијарда американски долари.

Биткоинот во јавноста е поим за криптовалута, но неодамна престана да биде криптовалутата со која најмногу се тргува.

Таа улога ја презема тетхер, кој за еден ден остварува вредност од сите тргувања од скоро 21 милијарда американски долари.

Податоците за активноста на тргувањето ја собрале CoinMarketCap.com заклучно со 27 септември и според нив, кога се зборува за големите играчи на пазарот, биткоинот на ден стигнува до просек од 17,28 милијарди долари вредност, етхереум 7,72 милијарди, а литекоин 2,55 милијарди.

Моментално толку многу се тргува со тетхер, бидејќи е стабилен и едноставен за користење. Помага и тоа што во Кина, во која се забранети менувачниците за криптовалута, сеедно може да се стигне до тетхер без многу проблеми, а потоа лесно се менува за биткоин или други криптовалути.

Во Азија тргувањето со криптовалути е многу популарно и сочинува 70 отсто од вкупната светска трговија на дневно ниво. Истотака, се нудат многу можности за замена на криптовалута, а со нив е можно да се купува практично се.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close