10 C
Скопје

Битиќи: Никој не е ставен во ист кош, подготвен сум да разговарам со угостителите

Отворен сум за средби, бев отворен и пред да се донесе петтиот пакет на економски мерки, а и сега сум  отворен за да седнеме и да разговараме со угостителите и да изнајдеме решение, најави вицепремиерот за економски прашања Фатмир Битиќи непосредно пред отпочнувањето на за денеска закажаниот протест на угостителите за организирање свадби и други свечености пред Владата.

-Мислам дека  решенијата се веќе изнајдени само треба соодветно да ги искомуницираме. Во овој момент битно е дали и колку ќе излеземе помалку погодени од кризата, а не дали сме погодени. Сите сме погодени од кризата, некој е погоден здравствено, а некој економски, но на крај од кризата ќе треба сите заедно да седнеме и да видиме како да заздравиме од кризата. Затоа сум  отворен да седнам да разговарам со секој еден кој смета дека има потреба за разговор, рече Битиќи во одговор на прашање на денешната прес-конференција во Владата на која беше презентиран Националниот геопортал за просторни податоци.

Прочитајте и...  Вики Димчевска, агент за недвижности, револтирано: Самопрогласени агенти го уриваат угледот и долгогодишното работење на вистинските и професионални агенции

Тој посочи дека угостителите се идентификувани како еден од најпогодените сектори во предложените економски мерки.

о ниедна мерка која е донесена угостителите не се исклучени, но јас немам доблест и храброст да одам против препораките на Комисијата за заразни болести. Сите треба да прифатиме дека секој треба на професионален начин да ја одработи својата задача. Треба да ја слушаме Комисијата и да и веруваме дека е најдобро за здравјето на граѓаните кога ќе укаже дека не е дојдено времето за олеснителни околности за работа, потенцира Битиќи.

Прецизира дека угостителите за организирање свадби и други свечености не се ставени во ист кош со другите угостители.

-Механизмот од втората мерка која е предвидена во новиот пакет им дава можност на овие угостители навистина да добијат значително поголеми неповратни средства во моментот кога ќе почнат да работат заради нивните финансиски резултати и неработењето една година. Токму затоа мислам дека треба да седнеме, да разговараме и да ги објасниме сите забелешки, бидејќи никој не е ставен во ист кош, посочи вицепремиерот Битиќи.

Прочитајте и...  Владата го одобри решението за деконтаминација на линданот во ОХИС

Поврзани вести

Лондонската полиција уапси маж кој носел секира на улица

Слободен печат

Запленета рекордна количина дрога на хрватско пристаниште: Околу 500 килограми кокаин скриени во контејнер со банани

Слободен печат

Богатството на Џек Ма се зголеми за 2,3 милијарди долари за само еден ден

Слободен печат

Силен земјотрес од 5,2 степени регистриран кај грчките острови Нисирос и Кос

Слободен печат

Инцидент „тежок“ 916 милиони долари: Властите на Суецкиот канал бараат од сопственикот на бродот да ја плати оштетата

Слободен печат

Кривична пријава за насилство врз дете во Кочани

Слободен печат

Остави Коментар