Бил Клинтон е позитивен на коронавирусот

Бил Клинтон/Фото: МИА

Поранешниот американски претседател Бил Клинтон соопшти дека е позитивен на Ковид-19 и дека има благи симптоми.

„Благодарен сум што сум вакциниран и зајакнат, што го направи мојот случај благ и ги повикувам сите да го сторат истото, особено додека преминуваме во зимските месеци“, напиша Клинтон на Твитер.

76-годишниот поранешен претседател лани беше примен во болница поради инфекција на уринарниот тракт која се проширила во неговиот крвоток. Тој имаше и четирикратна операција на срцето со бајпас во 2004 година, а му беа ставени и два стента во 2010 година.

Клинтон е последниот од американските претседатели кој се зарази со коронавирусот. Актуелниот претседател Џо Бајден се зарази летово, а неговиот претходник, Доналд Трамп, беше позитивен во октомври 2020 година. Поранешниот претседател Барак Обама, исто така имаше благ случај на почетокот на оваа година.

Видео на денот