„Не демне пандемија, а ние наместо да се подготвуваме за неа како за војна, се правиме како ништо да не се случува“ предупреди Бил Гејтс, откривајќи го своето предвидување за идната здравствена криза која според него, ќе го здрма светот.

Гејтс со децении беше најбогатиот човек во светот, а познат е по своите „пророштва“, од кои многу се остварија. И додека на некои не им е лесно да предвидат што ќе се случи утре, изгледа дека сопственикот на Microsoft знаеше дека некои работи ќе се случат со децении однапред. Сега, за жал, за човечката раса не предвидува технолошки напредок, туку глобална здравствена панедмија која во рок од шест месеци може да убие повеќе од 30 милиони луѓе.

„Верувам дека тоа нема да биде грип туку болест која светот уште не ја видел. Тоа ќе се случи во некој момент во наредните 10 години“ вели Гејтс. Тој додаде дека иако вообичаено е најголемиот оптимист, за жал, мора да го потсети светот дека голем дел од луѓето живеат во сиромаштија и мора да се работи на искоренување на болестите како детска парализа и маларија.