Американскиот милионер и основач на компанијата „Мајкрософт“, Бил Гејтс денеска предупреди на т.н. „вакцинален национализам“ и „невнимателен пристап“ кон пандемијата на ковид-19, нагласувајќи дека е време за нејзино прифаќање како дел од нормалноста.

Тој во интервју за „Зидојче цајтунг“ истакна дека пандемијата и припаѓа на новата нормалност, како и земјотресите, торнадата и климатските промени.

Гејтс посочи на лицата кои носат одлуки дека не се подготвиле за ковид-19, и покрај повторуваните предупредувања за веројатноста на пандемијата и лут е за недостигот на јасна комуникација за опасностите од болеста.

– Ужасно е што постојано треба да ги молиме луѓето да се жртвуваат за да спасиме животи. Мора да ги научиме лекциите, рече Гејтс и додаде дека наредната пандемија би можела да биде и десет пати полоша од тековната и дека не сме подготвени за неа.

Тој оцени дека ќе треба да мине голем дел од годината за луѓето да се вратат во нормала и укажа на неопходноста на меѓусебна соработка на земјите, бидејќи, како што рече, „нитуи една не може сама“.