Филантропистот и коосновач на компанијата Мајкрософт, Бил Гејтс изјави дека е изненаден од бројот на, како што кажува тој, „луди и злонамерни“ теории на заговор за него кои се шират на социјалните мрежи во време на пандемијата на коронавирусот.

Во интервју за Ројтерс, Гејтс изјави дека би сакал да разгледа што стои навистина зад таквите обвинувања и констатираше дека зад милионите објави на социјалните мрежи против него и американскиот инфектолог Ентони Фаучи за време на пандемијата се крие стравот од заразата во комбинација со експанзијата на социјалните мрежи.

„Кој би помислил дека д-р Фаучи ќе биде мета на такви, навистина злонамерни теории. Многу сум изненаден и се надевам дека тоа ќе престане“, рекол Гејтс.

Меѓу бројните теории за заговор на сметка на Гејтс и д-р Фаучи најзастапени се оние дека пандемијата е намерно предизвикана за да се воспостави контрола над граѓаните, а дека вакцината се користи за луѓето да се чипираат со што би биле набљудувани и ќе им се контролира движењето.

Извор: Блиц.рс