Откако беше објавено шокантното интервју на Опра Винфри со принцот Хари и неговата сопруга Меган Маркл, се огласи и познатата пејачка Бијонсе, која ја поддржа војвотката од Сасекс.

Thank you Meghan for your courage and leadership. We are all strengthened and inspired by you. ?https://t.co/V63MffuLAv pic.twitter.com/ymdPGx98O4

— BEYONCÉ LEGION (@BeyLegion) March 10, 2021

Пејачката објави јавна поддршка упатена кон Меган на својата официјална веб-страница проследена со нивна заеднички фотографија, која е направена на премиерата на анимираниот филм „Кралот лав“ во 2019 година, во Лондон.

– Ти благодарам Меган за храброста и лидерството. Сите сме зајакнати и инспирирани поради тебе, пишува во објавата на Бијонсе, а истата ја сподели и на социјалните мрежи.

На оваа премиера војводата и војвотката од Сасекс имаа можност да запознаат бројни актерски ѕвезди кои им го позајмуваа гласот на главните ликови во филмот. Меѓу нив, Меган ја запозна музичката дива Бијонсе, која и го позајмува гласот на лавицата Нали во филмот, како и нејзиниот сопруг, раперот Џеј Зи.

Меган за настанот носеше црн фустан со долги ракави, потпишан од дизајнерот Џејсон Ву. Изгледот го комплетираше со црни чевли на висока потпетици и чанта Гучи во иста боја, додека принцот Хари на премиерата пристигна во класично црно одело, бела кошула и црна машна.