Бијонсе изгледа неверојатно во новата кампања за спортска облека во соработка со „Adidas“
Најавата за најновата колекција на Бијонсе во соработка со брендот за спорска облека „Adidas“ доби позитивни реакции од јавноста.
Бијонсе на социјалните мрежи сподели фотографии на кои е во улога на модел на најновата спортска облека.
Со неутрално свежа шминка и долга и лелеава коса, таа ги презентираше новите модели од последната соработка на „Ivy Park“ и „Adidas“ кои вклучуваат спортска облека за велосипедизам, диксери, „sweat suits“, боди и слично.
Пејчаката направи интересен спој на спортската облека со различни модни комбинации во препознатлива минималистичка естетика.
Ова е втора соработка на колекција за спортска облека, откако колекцијата која беше пуштена во јануари беше карактеризирана со претежно монохроматска тема. Оваа колекција се одликува со поживописен и разновиден спектар на бои, како неон-жолта, смарагно зелена и „minty blue“.
Бијонсе најпрво сподели тизер на нејзиниот Инстаграм профил, навестувајќи го изгледот и естетиката на претстојната колекција.