БиХ денес треба да ги прими првите вакцини преку Ковакс
Денес, Босна и Херцеговина треба да прими 49.800 дози вакцини против коронавирус преку механизмот КОВАКС, и ова ќе биде прва испорака преку овој глобален механизам, но и најголема од почетокот на пандемијата.
Ќе бидат доставени 26.400 дози вакцини АстраЗенека и 23,400 дози Фајзер. Оваа достава до аеродромот во Сараево требаше да се изврши вчера, но беше продолжена за денес, пренесува Кликс.ба.
Предвидено е авионот со вакцините од Истанбул да пристигне во 21 часот.
Република Српска успеа да набави руски вакцини Спутник V, додека Федерацијата на Босна и Херцеговина сè уште не успеа во тоа.
Босна и Херцеговина нарача 1,2 милиони дози преку КОВАКС и треба да прими 892 000 дози вакцини од Европската унија.
Повеќето од моментално достапните вакцини во БиХ беа донирани од Србија, а донации најавија и Словенија, Турција и Кина.