Бидете внимателни рано наутро: Избегнувајте јако и горчливо кафе за да се расоните
Иако можеби секоја преспана секунда ви значи многу, сепак стручњаците тврдат дека одложувањето на алармот рано наутро е многу лоша идеја. Тоа е така затоа што организмот постојано го оставате да биде под стрес, а како последица на тоа е и успивањето поради кое ќе предизвика доцнење на местото каде сте сакале да одите. Самото тоа ви предизвикува нов стрес, кој лошо влијае врз здравјето на телото, ги оштетува виталните органи и целосно ви го уништува расположението.
Веднаш варите кафе
Доколку се грижите за сопственото здравје, лекарите советуваат во никој случај денот да не го започнувате со шолја утринско кафе, кое е јако и без шеќер. Тоа е така затоа што во тој период од денот, телото произведува големи количества на хормонот кортизол, кој има за цел да ни обезбеди енергија за нормално да функционираме во текот на денот. Затоа, доколку рано наутро веднаш откако ќе се разбудите во вашето тело внесувате кофеин, тоа ќе произведе помали количества од овој хормон.
Појадокот редовно го прескокнувате
Во никој случај, колку и да брзате и да имате обврски, не е препорачливо од дома да излегувате гладни. Доколку не сте во можност рано наутро да си подготвите некој оброк, тогаш доволно е да изедете една банана или на едно парче леб да намачкате нешто здраво. На тој начин, само за неколку минути, вие на телото ќе му обезбедите доволно количество енергија за да ги реализира сите зацртани планови многу полесно.