Македонските државјани кои вчера беа заглавени на аердором во Малта, утринава во 8 часот стигнале на скопскиот аеродром со конекциски лет преку Истанбул.

Тие вчера беа затекнати на аеродромот во Малта, барајќи алтернатива да се вратат во Македонија.

Патниците испаничиле бидејќи неофицијално слушнале дека аеродромот во Малта од понеделник ќе се затвори, што дополнително предизвикало да побараат помош во Министерството за надворешни работи, и во македонската амбасада во Рим.

– Македонските државјани имаа предност при купувањето на авионските карти на Туркиш Ерлајнс, сами си ги плаќавме, но барем сега сме дома – вели ќерка на една од патничките во авионот за Слободен печат.