Премиерот на Албанија, Еди Рама, на денешниот владин состанок направи биланс на бројот на жители кои се вдомени, како и за зградите кои се уништени од катастрофалниот земјотрес, во кој животот го загубија 49 лица, додека над 750 се повредени.

Рама рече дека освен во Драч и Тумана, оштетувања на домовите има и во Тирана.
Според него, иако се работи за првичен биланс, во Тирана 3.480 жители, се без покрив над главата.

-Во делот од Драч 1.260 жители се сместени, од кои 625 во хотели и 360 во спортски сали. Другите се или кај своите блиски роднини  пријатели или под чадори. Во Тумана околу 500 луѓе се сместени под чадори, но е започнато нивното транспортирање низ хотелите во Шенѓин. Денеска чадорите во Тумана и во Лач ќе бидат тргнати и жителите ќе бидат сместени во хотели. Во Драч 701 згради се оштетени, 12 тотално се уништени, 176 објекти се срамени со земја- кажа Рама.

Рама додаде дека првичниот биланс на пристигната помош е многу ветувачка. Досега се собрани пет милиони евра и 1.5 милиони долари.