Европската фудбалска унија донесе одлука да му забрани регистрација на нови играчи на Фенер поради неподмирени финансиски обврски. Оваа казна не се однесува за следната натпреварувачка сезона 2019/20.

– Фенербахче не ги исполни условите од договорот, не ги подмири финансиските обврски во склоп со буџетот предвиден за 2018 година, рокот беше до 20 мај – се вели во соопштението на УЕФА.

UEFA’dan Fenerbahçe açıklaması #Fenerbahçehttps://t.co/lvObvwBGlO

— fener.org (@wwwfenerorg) July 19, 2019

Арбитражната комисија на УЕФА задолжена за финансиска контрола исто така одлучи на клубот да не му бидат исплатени два милиони евра кои ги требаше да ги добие како награда од учеството во европските натпреварувања.

Нема да можат да регистрираат нови играчи во сезоните 2020/21 и 2021/22. Додатно е тоа што турската екипа за учество во европските натпреварувања може да регистрира само 23 играчи.

Досега за тимот настапуваше македонскиот репрезентативец Елиф Елмас кој се очекува летово да потпише за Наполи.