Без Иско нема титула за Јувентус
Андреа Пирло, легендарниот италијански фудбалер кој со екипата на Милан, два пати триумфираше во Лигата на шампионите, откри што му е потребно на Јувентус за да биде најдобар во Европа. Пирло кој исто така го носеше и дресот на Јувентус, од 2011 до 2015 година, изјави дека на „старата дама“ и е потребен фудбалер од калибарот на Иско од Реал Мадрид.
– По мое мислење, потребен им е играч како Иско. Јувентус е на едно повисоко ниво во Италија, осум години по ред се шампиони во Серија А, но потребен им е успех во Лигата на шампионите. Најголемиот проблем на тренерот Алегри и на Јувентус е средниот ред. Го донесоа Кристијано Роналдо но не доаѓа успехот со него, оваа екипа нема играч кој знае како да му додаде на Роналдо но и како да креира акција. Потребен е „мозок“ на екипата, и најблиску до тоа што му е треба на тимот е Иско, без него нема да има ниту титула за Јувентус – изјави Пирло.
Поранешниот репрезентативец на Италија, исто така го знае идеалното решение доколку Масимилијано Алегри ја напушти клупата на „старата дама“. Тоа е тренерот на Тотенхем, Маурицио Покетино.
– Покетино е идеален тренер за Јувентус. Тој е современ тренер кој долго време работи во Англија – додаде Пирло.