8 C
Скопје

Бесправно вселени државни станови, празни графи за закупувачи

АД за стопанисување со станбен и деловен простор во моментов има станови, гаражи, подруми и деловен простор во вредност од околу 4 милиони евра, наменети за продажба, покажува извештајот на Државниот завод за ревизија (ДЗР).

Ова акционерско друштво во државна сопственост гради станови  за социјално ранливите категории, за комерцијална продажба, а гради и изнајмува и деловен простор. Но, ревизорите утврдиле низа неправилности околу тоа како се евидентира имотот за продажба и изнајмување, како се спроведува наплатата на закупнините, а евидентирани се и бесправни вселувања во 421 објект (стан или деловен простор) во Скопје, додека за другите места немало евиденција. За 40 отсто од вкупниот број недвижности, пак, нема податоци дали се закупени.

Прочитајте и...  Делегација на Вооружените сили на Романија во посета на РС Македонија

Ревизорот утврдил и дека за дури 1.156 недвижности, што е 17 отсто од вкупниот број со кој располага акционерското друштво, нема податоци за тоа за каков објект станува збир – за тврда градба, за монтажен објект, или за  супстандардна. За 69 отсто од недвижностите во единствената матична книга нема податоци дека тие се содржани во деталните урбанистички планови. За издавање деловни простории за 1,6 милиони евра и за станбени простории за 330.000 евра нема архивирано примерок од месечни фактури и тие се евидентирани со автоматско префрлање на податоците од фактурите

„Ваквиот начин на евиденција во трговските книги, без приложување соодветна документација како основа за евидентирање (фактура, спецификација или друг акт), не е во согласност со член 472 стан 1 точка 4 од Законот за трговските друштва во кој е уредено дека трговските книги се водат врз основа на веродостојни сметководствени документи“, потенцира ДЗР.

Прочитајте и...  Османи – Кулеба: Скопје и Киев споделуваат заедничка визија за стабилна, обединета и просперитетна Европа

Ревизорите констатирале и дека друштвото не префрлало пари во Буџетот за продаден простор од 719 илјади евра, туку си ги задржало на посебна сметка, а обврски во износ од 455.000 евра од 2019 година се отпишани како застарени, иако не биле застарени.

Во периодот од април 2019 година до март 2020 година Друштвото нема извршено осигурување на објектите и опремата со кои располага поради што во случај на евентуална штета не постои можност за надомест, опоменуваат ревизорите.

Во однос на јавни набавки има случаи каде што се доцнело со одлуката за избор на најповолен понудувач, имало дури и математички грешки, односно разлика во збирот на поединечните цени во однос на  вкупната цена во спецификацијата, а набавка на електрична енергија се вршела без спроведена постапка за јавна набавка.

Прочитајте и...  Путин: Пандемијата покажа дека е нужна меѓународна соработка

Поврзани вести

ВИДЕО I Русија ја активира северната флота: Целта е да се заземат стратешките точки на Арктикот по секоја цена

Слободен печат

Повторно се тресеше Хрватска: Земјотрес е забележан и во Словенија

Слободен печат

ВИДЕО I Заврши судењето за убиството на Афроамериканецот Џорџ Флојд: Војска и хеликоптери низ улиците на САД, Дерек Шовин е виновен

Слободен печат

ВОЗНЕМИРУВАЧКО ВИДЕО: 12-годишно девојче oд Велес, брутално нападнато од својата врсничка додека останатите гледаат и снимаат со телефон

Слободен печат

Кинеската вакцина е 93 отсто ефикасна во спречување на хоспитализација: Не е забележам ниту еден смртен случај

Слободен печат

Вработен во казино играл со пари што ги извадил од апарати, „се покрил“ со 5.000 службени евра

Слободен печат

Остави Коментар