Општина Аеродром наскоро ќе започне со реализацијата на проектот „Учиме да пливаме“ во чии што рамки e предвидено бесплатно пливање за сите првачиња и сите деца со попреченост од основните училишта во oпштината.

– Со субвенционирањето, сите опфатени ученици добиваат: часови пливање, опрема за пливање (капа, наочари), пешкир, сертифициран спортски едукатор како и превоз на учениците од училиште до базенот и назад – информираат од Аеродром.

Од локалната самоуправа додаваат и дека, проектот е изработен во соработка со Сојузот за училишен спорт на Општина Аеродром и во реализација на „Скај велнес“, и предвидува создавање услови за најмладите да добијат соодветна обука и совладување на вештините за пливање, кое како што велат оттаму, има клучна улога во правилниот психо-физички развој и здравјето на децата.