„Беса транс“: Не организираме тури, туку им помагаме на надлежните во истрагата

беса транс скопје несреќа (1)
Седиштето на Беса транс / Фото: Слободен печат - Драган Митрески

Агенцијата „Беса транс“, чијшто автобус изгоре во Бугарија минатиот месец, при што загинаа 45 луѓе, во објава на Фејсбук демантира дека од јануари продолжува да организира тури во Истанбул.

„На 8 декември, се појавија шпекулации дека „Беса транс ДООЕЛ“, наводно, од јануари 2022 година повторно ќе вози патници (екскурзии) од Р.С. Македонија до Турција и обратно. Целосно ги демантираме таквите шпекулации и ја известуваме пошироката јавност дека „Беса транс ДООЕЛ“ ниту може, ниту сака да организира транспорт (екскурзии), бидејќи компанијата е фокусирана на соработка со институциите на Р.С. Македонија и Бугарија, за брзо да се откријат причините за ужасната несреќа“, се вели во објавата на фејсбук-страницата на агенцијата.

Директорот на Инспекторатот за транспорт, Руфат Хусеини изјави дека и по речиси три недели откако се случи страотната несреќа, државните инспектори не успеале да направат вонреден инспекциски надзор во „Беса транс“, бидејќи сопственикот не бил достапен.

Видео на денот