Жорди Бертомеу повеќе нема да биде прв човек на Евролигата, бидејќи клубовите-акционери му изгласаа недоверба.

На 30 јуни 2022 година, по 22 години, Бертомеу ќе ја напушти функцијата извршен директор на Евролигата , односно прв човек, одлучија акционерите.

На состанокот на 11 клубови, кој е сопственик на најважното кошаркарско клупско натпреварување, гласаа со 6-5 за смена на шпанскиот оперативец.

Односно, мандатот на Бертомеу истекува во јуни следната година, што значи и крај на една ера од Евролигата, па затоа не беше изгласан за продолжување на мандатот.

Според колегите добро запознаени со кошаркарските случувања, Олимпијакос, Панатинаикос, Макаби, Ефес, Армани Милано и ЦСКА Москва гласале за негова смена, односно да не остане на чело на Евролигата.

Претходно Реал, Барселона и Басконија изјавија дека ќе останат со шпанскиот адвокат, додека Алба и Баерн (како последни носители на лиценца) немаа право да одлучуваат на ова ниво.