Берни Сандерс предлага данок со кој Безос, Закерберг и Маск би требале да платат милијарди долари
Американскиот сенатор Берни Сандерс заедно со колегите сенатори Ед Марли и Кирстен Гиллибранд предлага Закон за оданочување на милијардерите.
Според законот милијардерите ќе мораат да ги предадат милијардите долари кои ги заработиле за време на пандемијата на коронавирусот
Сандерс на Твитер објави дека смета дека веќе не смее да се дозволи тројцата најбогати луѓе во САД да имаат повеќе пари од најсиромашните 50 проценти луѓе, во време кога над 30 милиони Американци губат работни места и кога 91 милион луѓе се или без здравствено осигурување или со минимално осигурување.
In my view, we can no longer tolerate the three wealthiest people in America owning more wealth than the bottom 50 percent, while over 30 million Americans have lost their jobs and 92 million people are either uninsured or under-insured.
— Bernie Sanders (@BernieSanders) August 5, 2020
Законот е наречен: „Да ги натераме милијардерите да платат“
Предлог законот, наречен „ Да ги натераме милијардерите да платат“, би им наметнал еднократен данок од 60 отсто на заработката, која ја оствариле од 18 март 2020 до 1 јануари 2021 година.
Со средствата би се покриле трошоците за сите Американци во период од една година. Со денешниот датум, со тој данок би се собрале 731 милијарда долари за државата.
Ако помине законот би им оданочил се шпто стекнале и што ќе стекнат до крајот на годината.
Најмногу би биле погодени деловните гиганти чие богатство значајно се зголеми за време на пандемијата, а Си-Ен-Би-Си како пример ги наведува „Волмарт“ и „Амазон“, со оглед дека нивните акции значајно пораснале бидејќи Американците се потпирале на нивните услуги за време на пандемијата и останувањето дома.
Тоа сепак допринесе до натрупување милијарди долари за најголемите акции на овие компании, на Џеф Безос од „Амазон“ и семејството Волтон на компанијата „Волмарт“.
Колку би ги чинел овој закон?
Си-Ен-Би-Си објави и колку милијардерите би морале да платат за заработката од 18 март до 5 август.
– Џеф Безос од Амазон би платил еднократен данок во износ од 42,8 милијарди долари.
– Елон Маск од Тесла би платил 27,5 милијарди долари.
– Марк Закерберг од Фејсбук би платил 22,8 милијарди долари.
– Фамилијата Валтон, основачите на Волмарт, би платила 12,9 милијарди долари.
I will be introducing legislation tomorrow to tax the obscene wealth gains billionaires have made during the public health crisis.
— Bernie Sanders (@BernieSanders) August 5, 2020