Берлускони: Сè ме болеше, се плашев дека нема да преживеам
Поранешниот италијански премиер Силвио Берлускони денеска во интервју рече дека се плашел дека ќе умре од ковид-19 и дека сè уште се чувствува многу уморен и исцрпен.
-Сè ме болеше, не можев да бидам во иста позиција повеќе од една минута. Се плашев дека нема да преживеам – изјави Берлускони (83) за„ Кориере дела сера “.
Берлускони помина повеќе од една недела во болницата Сан Рафаеле во Милано, каде му била дијагностицирана пневмонија поврзана со ковид-19. Тој беше пуштен во понеделникот и заздравувањето го продолжува дома.
„Првите денови во болницата се плашев за својот живот, да“, рече тој. „Мојот совет до сите пациенти е: не попуштајте, никогаш не губете надеж дека ќе се опоравите. Ковидот може да биде поразен “.
„Се чувствувам многу уморно, истоштено. Таков е ковидот. Но, успеав да го надминам тој тежок предизвик и затоа сум среќен“.
Тој потврди дека дел од неговото семејство, вклучително и внуците, биле заразени, но немале сериозни симптоми и сите се опоравувале.