Берлускони примен во болница во Милано поради компликации со Ковид-19
Поранешниот италијански премиер Силвио Берлускони (83) е примен во болница во Милано поради компликации од инфекцијата со коронавирусот. Неговата здравствена состојба не е загрижувачка, пренесуваат британските медиуми, повикувајќи се на извори во партијата „Форца Италија”.
Личниот лекар на Берлускони, Албето Зангрлио, во средата објави дека „тој е позитивен на Ковид-19, дека случајот е асимптоматски, и дека е во неговата вила во Милано во која ќе остане таму 14 дена во карантин“.
Берлускони за време на пикот на пандемијата на Ковид-19 беше во својата куќа во Ница, Франција, а дел од одморот го мина на Сардинија во друштво на Флавија Бријаторе, сопственик на тамошната дискотека „Милионер”, омилено место на ексклузивните гости на островот.
Бријаторе, кој најави дека ќе ја тужи владата за најавата за затворање на дискотеки, беше заразен како и повеќето од неговите вработени, но и голем број гости. Веднаш штом беше објавено дека е позитивен на Ковид-19, превентивно се тестира и Берлускони чиј првичен тест беше негативе, за повторениот сега да покаже позитивни резултати.