Поранешниот сопственик на Милан и премиер на Италија, Силвио Берлускони, сега е сопственик на Монца и за следната сезона има големи планови бидејќи ќе игра во Серија А.
Берлускони заедно со неговиот долгогодишен соработник, Адријано Галијани направија план со кој планираат да ги ангажираат Мауро Икарди и Паоло Дибала во Монца, објави новинарот Џанлука Ди Марцио.

Берлускони вчера имал разговор со Ванда Нара, сопругата и агент на Икарди, кој беше отпишан во ПСЖ и се очекува наскоро да го напушти Париз и да се врати во Италија.

Високо на листата на желби на Берлускони се наоѓа и Пауло Дибала кој го напушти Јувентус и моментално е без клуб. Како можна дестинација се споменува Интер, но доколку не успее да се договори со „нераѕурите“, тогаш Берлускони ќе се обиде да го донесе во Монца со што новиот член во Серија А сигурно би се борел за пласман во европските купови, а не да мисли на опстанокот.