Берлускони е заразен со коронавирус
Поранешниот италијански премиер Силвио Берлускони е заразен со коронаворус, јави АФП.
Тестот за присуство на Ковид-19 во организмот на лидерот на „Форца Италија”, 83-годишниот Берлускони, бил позитивен, наведува француската агенција.
Оваа вест ја потврди личниот доктор на ексцентричниот Берлускони, Алберто Зангрило.
Поранешниот сопственик на Милан нема и не чувствува никакви симптоми на ковид-19, но се наоѓа во самоизолација.
Тој беше тестиран на коронавирус бидејќи неодамна беше на Сардинија која стана ново жариште на вирусот во Италија.
Поранешниот италијански премиер кон крајот на месецов ќе наполни 84 години и без разлика на тоа што нема симптоми, влегува во ризичната група токму поради возраста.
Силвио Берлускони повеќе од 30 години беше сопственик на Милан, а сега е прв човек на екипата на Монца која оваа сезона избори пласман во Серија Б.