Знамињата на Русија, Украин и на самопрогласените проруски „републики“ Доњецк и Луганск, како и руските воени симболи „З“ и „В“ се забранети за истакнување во Берлин за време на одбележувањето на победата на сојузниците против Германија во Втората светска војна, соопшти берлинската полиција.

Амбасадорот на Украина во Германија, Андриј Мелник, е бесен поради забраната, за која рече дека на ист начин ги третира жртвата и агресорот во руската инвазија на Украина.

– Шокирани сме од фактот што берлинската полиција забрани истакнување на украински знамиња на 8 и 9 мај. Тоа е шлаканица за Украина и украинскиот народ“, рече Мелник.

Русите, да потсетиме, победата над нацистичка Германија ја слават на 9 мај, додека оваа годишнина во Западна Европа се слави на 8 мај.