Карим Бензема за прв пат од 2015 година ќе биде дел од француската репрезентација и се очекува да го предводи нападот на „триколорите“ на Европското првенство.
Бензема беше исфрлен од репрезентацијата по скандалот со Матие Валбуена во кој имаше дури и уцени.Сега фудбалерот на Реал Мадрид вели дека никогаш не престанал да се надева дека еден ден повторно ќе го облече репрезентативниот дрес.
– Никогаш не престанав да верувам инаку не би бил тука каде што сум сега. Ми беше тешко, имаше многу препреки но секогаш се борев и потајно се надевав на кам-бек. Сега сум награден. Совршено се адаптирав, на теренот играме добро и се надевам дека така  и ќе продолжиме – вели Бензема.

Франција е актуелен светски шампион и ќе се обиде ова лето по втор пат во историјата да ги обедини европската и светската титула. Тие надежи им ги подгрева неверојатниот состав со кој располага селекторот Дидие Дешан.
– Дали Франција има најдобар тим на светот? Доколку гледаме според имињата, може да се каже дека е така. Меѓутоа, најважно е тоа што се случува на теренот, мораме да играме со самодоверба но и со респект кон противниците. Мислам дека дека имаме фантастичен тим – изјави Бензема кој не пропушти да го пофали Килијан Мбапе.
– Мбапе е млад фудбалер, тој е феномен. Можам да тренирам со него, заедно играме добро, тој е многу брз и е вешт пред голот. Тој е многу, многу добар играч.

Официјално: Бензема по шест години повторно во француската репрезентација