Шпанскиот тренер Рафаел Бенитез е многу блиску до именување на тренер на шкотскиот гигант, Селтик, пренесуваат англиските медиуми.

Бенитез само еден ден откако си замина од кинескиот Далијан се најде во центарот на вниманието на јавноста која веќе го пресели на клупата на тимот од Глазгов.

Интересно, е што за најголем ривал во шкотската Премиер лига ќе го има легендарниот капитен на Ливерпул, Стивен Џерард, кој седи на клупата на Ренџерс. Бенитез од 2004 до 2010 година седеше на клупата на Ливерпул, а капитен на „црвените“ бепе токму Џерард и заедно во 2005 година триумфираа во Лигата на шампионите.

Рафаел Бенитез на клупата на Селтик треба да го наследи Нил Ленон. Селтик по 22 кола во шкотската Премиер лига се наоѓа на второто место со дури 23 бода помалку од лидерот Ренџерс но има и три натпревари помалку.