Бенет ветува дека ќе го обедини Израел
Новиот премиер на Израел, Нафтали Бенет, ветува дека ќе ја обедини државата, по конечното одобрување на Кнесетот за нова влада.
Тој изјави дека неговата влада ќе работи за доброто на народот, додавајќи дека нивните приоритети се за носење нови реформи во образованието, здравството и намалување на бирократијата, пренесува ББС.
Мандатот на Бенет, лидерот на партијата Јамина, ќе трае до Септември 2023та година, откако по 12 години го замени Бенџамин Нетанјаху.
Во неговата изјава, новиот премиер на Израел кажа дека конечно има промена на власта во демократија.
Новата влада на Израел е најшироката влада во историјата на земјата, но може да биде и најнестабилната. Работата на Бенет ќе биде многу отежната со самото тоа што ќе треба да ги одржува партиите заедно.
На дебатата на Кнесетот во неделата, поранешниот премиер Нетанјаху им соопшти на парламентот дека тие ќе се вратат, а по соопштувањето на крајните резултати, тој му ја честиташе победата.