Белорусија во март ќе почне да ја произведува вакцината Спутник V

epa08675841 A Russian medical worker displays a trial vaccine against COVID-19 in a post-registration phase of the test at outpatient hospital number 68 in Moscow, Russia, 17 September 2020. Russia registered the new vaccine called 'Sputnik V' against Coronavirus Sars-Cov-2 and opens the stage of its massive testing. EPA-EFE/SERGEI ILNITSKY

Белорусија ќе започне со производство на руската вакцина против коронавирус Спутник V во март, а месечниот обем на производство ќе достигне околу 500.000 дози, изјави денеска министерот за здравство Дмитриј Пиневич на состанокот на Министерството за здравство.

– Планираме да започнеме со производство на Спутник V, користејќи ги капацитетите на нашата фармацевтска индустрија. Планираме да произведуваме 500.000 дози месечно, истакна Пиневич, пренесе ТАСС.

Според него, Белорусија сега поминува низ вториот бран на пандемијата со тренд на опаѓање на стапката на инфекција во сите региони. – Најверојатно, третата фаза од зголемувањето ќе биде помалку интензивна, многу ќе зависи од увозот на нови варијанти и обемот на вакцинација, нагласи Пиневич.

Тој додаде дека во моментов има околу 25.000 вакцинирани во земјата и дека први вакцинирани се здравствените работници. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот