Белорусија ги преместува своите воени сили и воената техника : Русија планира нов жесток напад врз Украина?
Белорусија започна да ја преместува воената опрема и и воените силите за антитерористичка вежба, а се стравува дека Русија би можела да изврши нов напад врз Украина од територијата на својот белоруски сојузник.
„Во овој период се планира преместување на воена опрема и персонал на силите за национална безбедност“, соопшти белорускиот Советот за безбедност , а пренесува државната новинска агенција БелТА. Движењето на граѓаните и сообраќајот ќе бидат ограничени на одредени јавни патишта и површини, а предвидена е и употреба на оружје за обука“, се наведува во соопштението, пренесено од БелТА.
.
Белорусија соопшти дека нема да влезе во војната во соседна Украина, но претседателот Александар Лукашенко им нареди на припадниците на армијата да се распоредат заедно со руските сили во близина на украинската граница, наведувајќи ги заканите за Белорусија од дејствијата на Киев и Западот.
Белорусија и Русија формално се дел од „заедничката држава“ и се тесно поврзани економски и воено, при што Русија ја користи Белорусија како лансирна рампа за нејзината инвазија на Украина која започна на 24 февруари.
Зависноста на Белорусија од Русија се продлабочи откако поддршката на Москва му помогна на Лукашенко да го смири бранот немири по спорните избори во 2020 година.
Иако Лукашенко со години се спротивставуваше на распоредувањето на руските војници во Белорусија, руските сили пристигнаа во земјата непосредно пред почетокот на инвазијата на Украина на 24 февруари и го започнаа својот неуспешен напад на Киев од белоруска територија.
Во октомври, Лукашенко најави ново распоредување на 9.000 руски војници во земјата како дел од новите заеднички воени сили меѓу двете земји.
Украина со месеци предупредува дека стравува дека Белорусија и Русија би можеле да планираат нов упад преку северната граница на Украина.
Во соопштението објавено на Фејсбук во средата, украинскиот Генералштаб рече: „Непријателските трупи тренираат на полигоните на Република Белорусија“, а руските напади од белоруска територија продолжија.
Минатата недела рускиот министер за одбрана Сергеј Шојгу разговараше со својот белоруски колега Виктор Хренин за воената соработка, но во јавноста не излегоа деталите што ќе опфати таа соработка