Белград на нозе: Кошаркарот кој си замина од Партизан потпиша за Црвена звезда
Екипата на Црвена звезда денеска го потврди тоа што се шпекулираше во последните неколку дена.
Американскиот кошаркар Кори Волден викендов го напушти Партизан откако сам си ја „плати“ слободата во висина од 150.000 евра, по што започнаа шпекулациите кои можат да го запалат Белград, дека ќе потпише за Црвена звезда.
Денеска конечно е ставен крај на сите шпекулации, Кори Волден е нов кошаркар на „црвено-белите“.
„Поранешниот МВП во израелскиот шампионат и еден од најдобрите играчи во Еврокупот до прекинот на сезоната, Кори Волден потпиша двегодишен договор со Црвена звезда. Исклучително задоволство за Црвена звезда и ова е уште еден доказ дека нашиот клуб е препознатлив како вистинска средина за напредок на многу играчи. Волден сам си го плати обесштетувањето за да потпише договор со нашиот тим“, објави Црвена звезда.