Белгија останува на исто ниво на тревога и покрај синоќешниот терористички напад во Виена
Властите во Брисел сметаат дека терористички напад, како синоќешниот во Виена, е малку веројатен во Белгија и не го менуваат националното ниво на тревога.
Нивото на тревога, или ризикот од терористички напад, го мери Органот за координација на анализа на заканата, познат како ОКАМ.
Белгија останува на второ ниво, од вкупно четири, односно среден ризик, како што беше и досега.
– Нема потреба да се ревидира нивото на закана, затоа што нема ниеден конкретен елемент кој оди во таа насока. Врз основа на информациите што ги има ОКАМ нивото два се задржува, соопштија властите.
Белгија беше погодена од два терористички напада во март во 2016 година.