Белгија ќе добие 650.000 дози вакцини од АстраЗенека, наместо договорените 1,5 милиони

Белгија во првиот квартал од 2021 година ќе добие 650.000 дози од британско-шведска вакцина на АстраЗенека, наместо договорените 1,5 милиони дози, соопштија белгиските власти.

Министерот за здравство Френк Ванденбрук денеска предупреди дека фармацевтските компании за производство на вакцини во моментов имаат „монопол на пазарот”, а земјите-членки на ЕУ се во „зависна позиција”.

Пред „АстраЗенека”, која сè уште чека одобрување од Европската агенција за лекови за пласман на вакцината против Ковид-19, намалување на испораките на дозите во ЕУ најави и американски „Фајзер”, првата компанија чии вакцини добија „зелено светло” во ЕУ.

– Има многу неизвесност и луѓето треба да сфатат дека стратегијата за вакцинација ќе мора постојано да се преиспитува. Фајзер и АстраЗенека ја прават оваа задача исклучително тешка, рече Ванденбрук.

Прочитајте и...  Во Лион се евакуирани 4.500 жители поради бомба од Втората светска војна

Тој ја повика Европската комисија, која, во име на земјите-членки, преговараше за вакцините со фармацевтските компании, „да заземе поцврст став” и „да побара исполнување на договорот”.

Белгија нарача вкупно 7,7 милиони дози вакцини од АстраЗенека, две милиони дози од Модерна и 12,5 милиони дози од Фајзер.

Од почетокот на јануари во Белгија се вакцинирани 183.387 граѓани, односно два проценти од вкупното население.

Поврзани вести

Тихановскаја: Жените покажаа отпор и сила на карактер, можеби жена ќе дојде на чело на Белорусија

Слободен печат

Османи – Ди Мајо: Северна Македонија цврсто останува на определбата за полноправно членство во ЕУ

Слободен печат

Македонија има шест градоначалнички и четири министерки, а никогаш немала премиерка или претседателка

Тадиќ: Конференцијата на Вучиќ е кулминација на бизарноста и политичката патологија

Слободен печат

Обвинет во случајот „Тортура“ објасни како бил лишен од слобода Љубе Бошкоски

Слободен печат

Во Албанија загрижувачки раст на младите меѓу новозаразените со ковид-19

Слободен печат

Остави Коментар