Белгија го одбележува националниот празник со прослава за прв пат по две години пандемија

белгија
Белгија / Илустративна фотографија / Profimedia

После две години пандемија од Ковид-19, Белгија денеска се враќа на традиционалниот начин на одбележување на националниот празник, јави дописничката на МИА од Брисел.

21 јули за Белгија е денот кога првиот крал, Леополд Први, даде заклетва во 1831 година. Белгија е независна држава од 1830.

Во 1890 година властите одлучуваат дека 21 јули ќе биде денот кога ќе се одбележува националниот празник секоја година. Оваа традиција продолжува до денешен ден, иако последните две години од ковид оневозможија традиционално да се одбележи денот.

Во 10 часот утрово во Катедралата Сен Мишел и Гидил, Кралот Филип и Кралицата Матилда ќе присуствуваат на традиционалниот Те Деум, а од 10.30 часот започнуваат прославите за граѓаните во кралскиот парк во центарот на Брисел.

Меѓу 16 и 18 часот ќе се одржи воената парада во присуство на кралската фамилија, и конечно околу 21 часот ќе се одржи традиционалниот огномет.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот