Роберто Мартинез по завршувањето на Светското првенство ја напушти клупата на Белгија, а во наредниот период беше промовиран во нов селектор на Португалија. Белгија мораше да побара негов наследник и како што стојат работите тоа ќе биде Доменико Тедеско.

Со селекторската позиција во Белгија се поврзуваа големи имиња како Маурисио Покетино и Јоаким Лев, сепак на крајот договор бил постигнат со Тедеско.

Според најавите на медиумите, Тедеско е пред промоција и таа треба да се случи во наредните два до три дена. Тедеско е поранешен тренер на Шалке каде што работеше од 2017 до 2019 година, а од 2018 до 2021 седеше на клупата на Спартак Москва, подоцна го водеше и Лајпциг.

Пред Белгија сега е стартот на европските квалификации во март и борбата за пласман на Европското првенство во 2024 година во Германија.