Белата ротквица го зајакнува имунитетот и ги зацврстува коските
Покрај многубројните бенефити што ги добиваме со редовно јадење на оваа намирница, белата ротквица задолжително треба да се јаде во есен и во зима бидејќи изобилува со витамин Ц, кој ни го зајакнува имунитетот и помага полесно да се избориме во периодот на настинки и грип.
Белата ротквица кај нас е малку позната и ретко кој ја користи во секојдневната исхрана. Сепак, оваа коренеста билка е одлична намирница за консумирање во есен и во зима, а покрај тоа, многу лесно се одгледува бидејќи поднесува многу ниски температури.
Покрај тоа што ова растение се карактеризира со уникатен вкус, тоа во својот состав содржи и многу витамини и минерали како и растителни влакна, кои многу помагаат во одржувањето на здравјето кај сите луѓе што редовно го јадат.
Нискокалорично растение
Белата ротквица е одлична храна за оние што се грижат за сопственото здравје, но и за здравјето на членовите на потесното семејство. Особено препорачливо е белата ротквица да ја јадат оние што се на диета или кои сакаат да имаат совршена линија.
Ова растение е нискокалорично. Во само 100 гр бела ротквица има само 18 калории.
Супер храна
Белата ротквица, доколку редовно се консумираа, има моќ да го исчисти телото од наталожените токсини, да го регулира шеќерот во крвта, но и да ги исчисти крвните садови од наталожените масти и триглицериди.
Токму поради ваквите моќни својства што ги поседува ова растение, Јапонците кои важат за едни од најдолговечните народи во светски рамки, речиси секојдневно го имаат на својата трпеза. Ротквицата меѓу нутриционистите е позната како „ чистач на телото“.
Спречува појава на рак
Како една од најзначајните придобивки што можете да ги добиете доколку редовно јадете бела ротквица е тоа што дури за 90 отсто ќе ја намалите можноста за појава на одредени типови рак.
Покрај тоа, белата ротквица помага и во зајакнување на имунитетот, намалување на воспалителните процеси во телото, го подобрува варењето на храната, прави детоксикација на целиот организам, ги зајакнува коските и помага во намалување на вишокот килограми.
Големи количества витамин Ц
Покрај многуте придобивки што ги добиваме со редовно јадење на оваа намирница, белата ротквица задолжително треба да се јаде во есен и во зима бидејќи изобилува со витамин Ц, кој ни го зајакнува имунитетот и помага полесно да се избориме во периодот на настинки и грип.
Белата ротквица се користи како лек
Во составот на ова растение има фитохранливи материи, кои се исклучително значајни во борбата против ракот. Покрај тоа, таа има и антибактериско и антивоспалително дејство па се користи за подготовка на голем број лекови што се подготвуваат во домашни услови, а служат за намалување на кашлањето, температурата како и болки во зглобовите предизвикани токму од високата температура.