Белата куќа: Единствено Трамп има право да се повика на Законот за бунт

фото Архива

Законот од 1807 година му овозможува на Претседателот на САД да одобри распоредувањето на воени и федерални трупи на Националната гарда во земјата при тешки околности, со цел да се задушат немирите или бунт.

Претседателот на САД, Доналд Трамп е единствениот кој има право да се повика на Законот за бунт и доколку е потребно, ќе го искористи, изјави портпаролката на Белата куќа Кејли Мекенени, пренесува „Гласот на Америка”.

Претходно, американскиот министер за одбрана Марк Еспер изјави дека опцијата за користење активни сили за спроведување на законот треба да се користи само како последно средство и само во најитни и најтешки ситуации.

Толпа, маршира низ авенијата Висконсин во Вашинготн, 4, јуни,2020/ EPA-EFE/JIM LO SCALZO

– Сега не сме во ниту една од тие ситуации, рече вчера Еспер.

Законот од 1807 година му овозможува на Претседателот на САД да одобри распоредувањето на воени и федерални трупи на Националната гарда во земјата при тешки околности, со цел да се задушат немирите или бунт.

Во последниве денови, Трамп жестоко се залагаше за употреба на силите на Националната гарда, кои се главно под управа на државата, а не сојузни, освен во округот Колумбија, во обид да ги запре немирите што се раширија низ САД по смртта на Афроамериканецот Џорџ Флојд.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот