Беласица ита кон опстанок во Прва лига
Екипата на Беласица, ја оствари четвртата победа во последните шест кола и ги оживеа шансите за опстанок во Првата фудбалска лига. Овој пат со пресврт во самиот финиш беше совладана Ренова со 3:2.
Иако Беласица поведе преку Мирчевски, додека Ренова одговори преку головите на Гафури и Кадриу. Сепак, струмичани успеаја да останат непоразени и да дојдат до четвртата побеа во последните шест натпревари со головите во последните пет минути од натпреварот. Прво Милушев во 86. минута израмни на 2:2, а победничкиот гол беше дело на Георгиев во 91 минута.
Се серијата од четири победи и два нерешени резултати во последните шест натпревари, Беласица опасно им се приближи на Работнички и Силекс во битката за седмото место кое нуди опстанок во лигата, додека осмата позиција носи бараж натпревар за останување во лигата.
Дерби натпреварот на 33. коло помеѓу Вардар и Работнички заврши без победник. „Романтичарите“ поведоа преку Петковски во 33 минута, но во вториот дел Мицевски не дозволи пораз на Вардар.
Шкендија откако во минатото коло ја осигура шампиоската титула, одигра без голови притив Силекс, а Македонија ЃП го искористи ремито на Работнички, и со триумфот над Шкупи од 1:0 дојде до шестата позција на табелата.
Резултати:
Вардар – Работнички 1:1
Беласица – Ренова 3:2
Шкендија – Силекс 0:0
Македонија ЃП – Шкупи 1:0
Академија Пандев – Победа 4:0
Табела
1. Шкендија 73
2. Вардар 60
3. Академија Пандев 56
4. Шкупи 43
5. Ренова 42
6. Македонија ЃП 41
7. Работнички 40
8. Силекс 38
9. Беласица 37
10. Победа 23