Беласица не запира, му откина бод и на Вардар
Струмичка Беласица не запира во Првата фудбалска лига, остана непоразена и во дуелот со најтрофејниот македонски клуб, Вардар,играјќи 1:1. Интересно е што Беласица во последните три кола, играше со трите најдобропласирани екипи во македонскиот шампионат, Академија Пандев, Шкендија и Вардар и не загуби ниту еднаш.
Оствари две победи, над Академија Пандев на гости, и дома триумфира над Шкендија, а сега одигра нерешено со Вардар. Лесно можеше да се случи да го земе и овој скалп, струмичани преку Георгиев во 36. минута поведоа со 0:1 и водството го држеа се до 80 минута кога Жуниор израмни на 1:1 и го постави конечниот резултат.
Лидерот на табелата, Шкендија не дозволи ново изненадување и пред своите гледачи со 5:1 го декласира Шкупи. Хет трик постигна Имери, а покрај него во листата на стрелци се запишаа уште и Алими и Ибраими, додека почесниот гол за Шкупи беше дело на Бајрами со финишот на средбата.
Силекс со голот на Рајковиќ во 16. минута, дојде до драгоцени три бодови во битката за опстанок.
Резултати:
Академија Пандев – Работнички 3:1
Македонија ЃП – Ренова 3:1
Победа – Силекс 0:1
Шкендија – Шкупи 5:1
Вардар – Беласица 1:1
Табела
1. Шкендија 69
2. Вардар 58
3. Академија П. 50
4. Шкупи 42
5. Ренова 39
6. Работнички 39
7. Македонија ЃП 38
8. Силекс 34
9. Беласица 31
10. Победа 23