Бектеши: Не е моја работа да предлагам кој ќе биде сменет – Слободен печат
Македонија

Бектеши: Не е моја работа да предлагам кој ќе биде сменет

Министерот за економија Крешник Бектеши рече дека не држат оценките за потфрлување во економските ресори.

Не е моја работа да правам анализи и да му предлагам на мандатарот кој ќе биде сменет, а кој не, вели министерот за економија Крешник Бектеши запрашан дали очекува да биде опфатен со најавената реконструкција на Владата од страна на премиерот Зоран Заев.

Тој на денешната прес-конференција во врска со објавените јавни повици од Програмата за промоција на обновливи извори на енергија и поттикнување на енергетска ефикасност во домаќинствата, запрашан за коментар, рече дека не држат оценките за потфрлување во економските ресори имајќи ги предвид бројките и извештаите објавени од Заводот за статистика.

– Ние како Министерство сме надлежни за политиката што се спроведува во индустријата, туризмот, трговијата. Ако ги земете бројките ние веќе година и пол имаме голем раст, а во некои области дури и двоцифрен раст – вели Бектеши на новинарско прашање во врска со изјавата на вицепремиерот Бујар Османи дека со реконструкцијата на Владата ќе се зајакнат економските сектори и критиките на министерот Дамјан Манчевски дека потрфлиле економските министерства.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close