Ќе донесеме соодвени одлуки за намалување на давачките за неколку репроматеријали. Тоа ќе го предложиме на Влада заедно со министерката за финансии Нина Ангеловска, со цел да имаме непречено производство на храна, но и на индиректен начин да ги намалиме цените или да не дозволиме да се зголемат цените на производите, посбено на основните прехранбени продукти, најави министерот за економија Крешник Бектеши.

Тој им порача на граѓаните дека нема простор за паника, бидејќи има доволно храна и залихи.

Бектеши најави дека првично се размислува за намалување на давачите и царините на репроматеријалите за производство на заштитни маски.

Министерот најави и дека ќе побара од надлежните институции да преземат соодветни мерки за порталите кои шират невистини и страв кај граѓаните дека нема доволно храна.