Во дербито на шестото коло од Првата македонска фудбалска лига, Струга Трим Лум и Шкендија ремизираа 1-1. Домаќините стигнаа до бод со гол од пенал, а токму таа одлука предизвика реакции кај тренерот на тетовци, Јетон Беќири.

„Ова беше вистинско дерби, против тим кој влезе со пет победи и голема самодоверба. Имаше многу борба, а клучни беа одредени ситуации. Доколку постигневме втор гол, убеден сум дека Струга немаше да се врати во игра. Пеналот беше сомнителен и случаен, а уште еднаш се покажаа двојни стандарди во користењето на ВАР“, изјави Беќири за клупскиот сајт.

Тој додаде дека е загрижен поради начинот на кој се применува технологијата. „Сакаме само фер услови и натпреварите да се решаваат на теренот, а не со различни критериуми на ВАР. Се надевам дека оваа пракса ќе запре.“

Инаку, ВАР денес двапати ѝ ги поништи головите на Струга – првиот при резултат 0-1, а вториот при 1-1.

Извор: https://sport.com.mk/