Бекер знае кое трио е најголемата закана за Ѓоковиќ на „УС Опен“
Славниот поранешен германски тенисер, Борис Бекер е убеден дека Новак Ѓоковиќ најмногу ќе се запраша кога е во прашање трофејот на претстојниот грен слем турнир, „УС Опен“.
За Бекер нема дилеми кој е најголем фаворит на последниот грен слем во сезоната кој ќе стартува во понеделник.
– Новак е првиот во светот, победник на три слема сезонава. Доколку Новак не е првиот фаворит за овој турнир, тогаш кој е? Да, точно е дека не одигра ниту еден подготвителен турнир на тврда подлога, но тој е многу искусен и добро го познава своето тело. Што се однесува до спортската страна, има неколку играчи кои многу ми се допаѓаат – рече Бекер.
Германецот знае дека најголема закана за српскиот тениски ас ќе биде триото Александар Зверев – Стефанос Циципас – Данил Медведев.
– Зверев е на самиот врв на листата на фаворити, тука е секако и Циципас. А исто така и Медведев кој игра прекрасно, задоволство е да се гледа. Никогаш не знаеш што точно ќе се случи, мислам дека и тој не знае. Ѓоковиќ е мојот прв фаворит, потоа Зверев, Медведев трет и Циципас четврти – предвидува Бекер.
Дали на некого му се допаѓа или не, Ѓоковиќ ќе биде најдобар на сите времиња