Борис Бекер ќе биде тренер на данскиот тенисер Холгер Руне и во наредната сезона.

Според информациите на германскиот медиум „Ekstra Baldet“, Германецот и младиот тенисер одлучиле по пробниот период во финишот на оваа сезона да продолжат заедно и во 2024 година.

Ваквата одлука може да се каже и дека е очекуван со оглед дека искусниот Бекер имаше прилично добар старт во работата со младиот тенисер.

Информацијата ја потврди и мајката на Руне, Анека.

„Се радуваме што ќе ја продолжиме добрата работа и во предсезоната на 2024 година. Воодушевена сум што конечно пронајдовме нешто што Холгер го прави среќен и што му овозможува да се развие така што може да ги постави своите цели и да освојува грен-слем титули“, порача Анека.

Бекер и Руне ја започнаа соработката во октомври минатата година по негативната серија на младиот тенисер.