Бекер: Ѓоковиќ не ги прекрши правилата, сè направи професионално
– Да не го добиеше ослободувањето порано, сигурен сум дека немаше ни да лета за Австралија – вели легендарниот Германец.
Поранешниот најдобар тенисер на светот, Борис Бекер, застана во одбрана на Новак Ѓоковиќ, кој се соочува со депортација од Австралија, откако не доби виза за влез во земјата.
Во интервјуто за радио „Би-би-си лајв“, поранешниот тренер на српскиот ас вели дека сè било направено според прописите.
– Новак имаше медицинско ослободување, заедно со уште пет тенисери од жрепката. Тој направи сè во согласност со Австралија опен, професионално. Не прекрши никакви правила, му беше дозволено да игра, а тоа ги повреди оние Австралијци кои година и пол не можеа да ги видат своите најблиски.
Го разбирам гневот на австралиската јавност, но морам да застанам во одбрана Ѓоковиќ, бидејќи без лекарско ослободување тој сигурно немаше ни да лета за Австралија – рече Бекер.
Дали Ѓоковиќ ќе ја брани шампионската титула на грен слем турнирот Австралија опен во Мелбурн ќе дознаеме во понеделник.
Надал: Ѓоковиќ ги знаеше условите, доколку сакаше, ќе играше на „Австралија опен“