Британските медиуми тврдат дека англиската фудбалска легенда Дејвид Бекам стана амбасадор на Светското првенство кое ќе се одржи следната година во Катар.

За еден потпис поранешниот играч на Манчестер јунајтед, Реал Мадрид, Милан и ПСЖ заработи 150 милиони фунти или околу 178 милиони евра.

Британскиот „Сан“ пренесува дека Бекам на почетокот на октомври бил една недела во Доха и потпишал 10-годишен договор според кој како амбасадор на Катар ќе добива по 15 милиони годишно – вклучувајќи ги туризмот и културата.

Бекам наводно се поврзува со катарските шеици уште откако играше за ПСЖ, а за конечната одлука прво мораше да се консултира со неговата сопруга Викторија.

Причината за такво нешто се однесува на строгите права на Катар околу ЛГБТ заедниците и правата на жените.

Домаќинот на Мундијалот во 2022 година ќе гради хотели на вода за навивачите, а алкохол ќе смее да се пие во посебни зони