Бејтулаи потпиша за шведскиот Хелсингборг
Егзон Бејтулаи веднаш откако ја напушти Шкендија си најде нов ангажман.
Македонскиот репрезентативец и поранешен капитен на Шкендија, Егзон Бејтулаи, кариерата ќе ја продолжи со шведскиот шампионат во екипата на Хелсинборг. Бејтулаи откако успешно ги помина лекарските прегледи, потпиша двегодишен договор со шведскиот тим.
– Многу сум среќен што започнувам нова авантура во мојата кариера и тоа во Хелсинборг, клубо со одлични навивачи. Чувствував дека ова е вистинското време да играм во странство и покрај многуте понуди што дојдоа на моја адреса. Со Хелсингборг релативно брзо и успешно ги завршивме разговорите. Едвај чекам да се приклучам на тимот – рече Бејтуали по потпишувањето на договорот.
За Бејтулаи ова ќе претставува прво интернационално искуство, откако последните шест ипол години ги помина во дресот на Шкендија. Тој е стандарден член на македонската репрезентација.