Фудбалерот на Реал Мадрид, Герет Бејл успеа да го истера своето, не си замина од „кралскиот“ клуб иако беше јавно отпишан од тренерот Зинедин Зидан. Тој остана на „Сантијаго Бернабеу“ и дури настапи на сите три натпревари во Ла Лига.

– Задоволен сум од прикажаното на почетокот од сезоната. Иако добар дел од летото бев селен во разни клубови, мојата одлука беше позната многу порано, сакам да бидам дел од Реал Мадрид – вели Бејл.

Велшанецот им откри на новинарите дека не го потресе целата фама што се крена околу неговото заминување или останување во Реал Мадрид. Бејл со таквиот притисок се носеше така што не читаше или гледаше што се зборува илу пишува за него. Истиот рецепт го применува и по секој настап за Реал Мадрид.

– Не ги слушам критиките затоа што луѓето не знаат што велат. Многу луѓе не ја знаат ситуацијата, а се зборуваше многу, и добри работи и лоши работи – изјави Бејл.