Блерим Беџети, градоначалникот на Сарај во „Утрински брифинг“ на „Слободна ТВ“ изјави дека се почитуваат мерките за заштита предложени од Владата.

-Немаме регистрирано граѓанин со КОВИД-19 во Сарај. Ноќта добро помина, се почитуваат здравствените и безбедносните мерки. Општината презеде многу активности за дезинфекција. Училиштата, градинките, патиштата, верските објекти и улиците се опфатени со оваа здравствена мерка. Во координација сме со сите општини и градот Скопје, рече Беџети.

Во Сарај има лица кои се во самоизолација и постои одлична соработка со стопанствениците.

-Граѓаните на Сарај во главно ја почитуваат мерката за вонредната состојба. Имаме 34 лица во самоизолација. Сериозноста е сфатена. Со стопанствениците имаме одлична соработка. Во маркетите има се што е неопходно, додаде Беџети.